DOĞUM TARİXİ: 04.06.1991
MUSİQİ TƏCRÜBƏSİ: 6 il
İFA ETDİYİ MƏKANLAR: Hilton Baku, Dolce Vita, La Fountaine, Megapolis Club, Merci Baku, Scallini, Avalance By Shahdag, Resant Group şəbəkəsində
İFADA ÜSTÜNLÜK VERDİYİ MÜGƏNNİLƏR: Dua Lipa, Karen Souza (jazz cover version), Zivert, Loboda, Aleksey Çumakov, Valeriy Meladze, Rihanna
PROQRAMDAN KƏNARA ÇIXMA (İMPROVİZASİYA): Bəli, bacarıram
AVADANLIĞI: Mikrofon, Planşet
İFAÇI HAQQINDA: Dizzi peşəkar karyerasına 2013-cü ildə Maykl Ceksonun “Earth Song” mahnısı ilə “Böyük Səhnə” şousunda iştirak edərək başlayıb. Daha sonra 2015-ci ildə “Səs Azərbaycan” yarışmasının iştirakçısı olub. Rihannanın “Russian roulette” mahnısı ilə görmədən dinləmələrdən keçərək Azərbaycanın əməkdar artisti Manana Caparidzenin komandasına qoşulub, Ukraynanın əməkdar artisti Rimma Şapovalova isə vokal müəllimi olub. Qarşıdurmalarda Azər İsmayılovla birlikdə Zülfiyyə Xanbabayevanın və Miri Yusifin “İki doğma insan” mahnısı ifa edərək, növbəti mərhələyə keçən tərəf oldu. Canlı yayımlar mərhələsi isə təəssüf ki, sonuncu olaraq, verilişdən ayrıldı və solo karyerasına başladı. 2016-cı ildə Azərbaycanın Əməkdar Artisti Səbinə Vahabzadənin rəhbərlik etdiyi “REZONANCE” vokal Şou Qrupunun üzvü oldu. Sonradan bəzi hallara görə komanda dağıldı. Yaradıcılığının ilk günlərindən əsas məqsədi öz mahnılarını aranjıman etməyi öyrənmək idi, tədricən buna nail oldu. 2017-ci ildə DİZZİ təxəllüsü ilə müxtəlif dillərdə 7 sinql və 2 remeykdən ibarət ilk “DREAM” albomuna daxil olan şairə Aygün Akbaba Rəhimlinin misraları üzərində debüt etdiyi “МЕЧТА” sinqlını çıxartdı. Elə həmin il ukraynalı şair Andrey Zıkin ilə əməkdaşlığa başlayıb. 2019-cu ildə 6 sinql və bir remiksin daxil olduğu ikinci “DREAMS” albomu üzərində işlərə başlayıb. Daha sonra ELLO YouTube kanalında “Сны” və “Старая кассета” sinqllarına kliplərin premyerası baş tutdu.”Səs” şousunun digər iştirakçısı Tapdıq Mirzəyev (səhnə adı – Z.O.Y) ilə birlikdə “ZOYDİ” musiqi leybli yaradılmışdır. 2020-ci ildə artıq leyblin bir hissəsi olaraq “Lost Summer” albomu buraxıldı. Bu albom 5 sinql və 3 remeykdən ibarət idi. Leybl Azərbaycan şairi Rəşad Ələkbərov ilə əməkdaşlığa başladı. 2021-ci ildə Z.O.Y və Nərgiz Camal (səhnə adı – Nana Jamali) ilə duetlərin yer aldığı “Shadows” albomu üzərində işə başladı.
Müəlliflik: Rolan Seyidovun ifasında “Ночь” və “Zaman”, Leyla Məmmədovanın ifasında “Отчаянно”, RaY (Röya İbrahimova) ifasında “Sevgi tərzimiz” mahnılarının da müəllifi və aranjimançısı oldu.
